مغامرات امور مع "خبر عاجل"

امممممممممم
رح تستغربوا هل القصة هل هي مغامره هل هي بادرة هل هي ذكرى هل هي مأساة كل واحد فينا مش عارف
لا أدري
ولكن حبيت أطرحها عليكم
نمت بعد العصر وصحيت عيوني نص مفتح ونص مسكر جالس لحالي بقلب الستلايت محطه ورا محطه بغرفتي الي ما في محل أصلا احط رجلي من كثر الاغراض المتناثرة خزانه ابوابها مخلعه مع انه كل الي بدها اياه برغي وبدل الضو حاط نواصه .. كمبوتري قد ما عليه تراب فكرت أزرع فيه نعنع وبقدونس بس كيف بدي ازقيه وهو فيه كهربا .....
أجتني فكره مجنونه أصير مثقف وأحط على الأخبار وأجت عيني على قناة مشهورة بالاخبار العاجلة
كل شوي
طووووب خبرعاجل
طووووب خبرعاجل
وفعلا ما كذبوا خبر
أول خبر عاجل سلخوني اياه على غفلة وانا بنقز من حالي .....
خبر عاجل : وقد قام العرب بصناعة أول سلاح فتاك
بدكوا الصحيح انا كان رح يغمى عليه اجاني هبوط بعضلات الصندوق الصدري
وتمزق عضلي بالحجاب الحاجز
وانحولت وصابني حادث سير تصادمن فيه عدسات عيوني
قولت بحالي لا بالله انتصرنا وينك يا الدول الغربيه يا ويلك منا
واول ما خطر في بالي الأغنيه العربيه الحماسية
" نحنا للسيف للسيف ..... حنا للضيف للضيف
نحنا فراااااااااشات صغار ترن ترن ترن "
انا بدكوا الصحيح عيوني بزوا لبره وحسيتهم مشنكلين بزنبركات.... قولت بل معقوله ... استنا التفاصيل يا ولد .... نطت المذيعه داهنه وجها أربع وجوه دهان اشي مانع تصحر اشي مانع رطوبه اشي مانع تطبيع البوس "على اساس بتنباس كثير من المعجبين"
وقالت: قام العرب بصناعة أول سلاح فتاك... وحطوا موسيقة تصويره قشعر بدني منها اتقولي واحد حاط مصاريه بتنكة سمنة ونازل يخشخش فيها طوشوني.... المهم
سلاح لا يقام سلاح فتاك سلاح يا يقهر..... قامت الدول العربيه بتنسيق سري بينها واجتمعت كل العقول العربية وكل الامكانيات العربية المالية والتقنية على تصنيع هذا السلاح.... ولأول مره في تاريخ البشرية العربيه توفر هذه الظروف والمكانيات وتجتمع العرب لتصنيع مشترك.... وقد اجريت التجارب على هذا السلاح الفتاك وقٌد أثبت نجاعته .
وقد حظية قناتنا بتصوير اول تجربة علنية لهذه السلاح
طبعا المذيعة تحكي وانا متمسمر مش قادر أرمش بدي اشوف سلاحنا العربي
شالوا الصورة عن المذيعة وجابوا وحده ابتسمت ابتاسمه خف عقلي منها بكذب عليكوا اذا بقولكوا مش لابسة حرام بضلمها وانتوا عارفيني بعرفش ابوي بالحلال والحرام هي لابسه 2 سم قماش
" أول اشي خطر في بالي انها دعاية ... قولت هو هاد وقتكم ول عليكم هو احنا ما بدنا نخلص من الدعايات الناس وصلت زحل واحنا لسه بنحط دعايات"
المهم قالت انا مندوبة الشركة العربيه لتصنيع الاسلحة الفتاكه وهذا السلاح قادر على التعامل مع الأهداف الأرضية والبحرية والجوية
" أويل قلبي رح نمحي أميركا من كتاب الجغرافيا ونحطها بكتاب التاريخ"
ورح نورجيكوا التجربة بأم العينكم "قولت بصيرش بأب اعيوينا "
لبسة البنت بدلة تبعت التلوث وكفوف وجزمة تبعت صبة عمار وقناع غاز
" قولت بحالي خربتيها خليكي على 2سم قماش "
وجابت اسطونه كبيرة ومعها بربيش....
ورشة رشة بطلنا انشوفها منها.....
"قولت بحالي والله يا اليهود ما رح يضل منكوا مخبر"
انقشع الضباب وعم صمت مطقع مغقع
v
v
v
v
v
v
v
v
v
v
v
v
وبصوت الرجال الآلين....
قالت : هذا اول سلاح فتاك يصنعه العرب

مبيد حشري للصراصير من الطراز الاول

تخيل يا رعاك الله

وصل أمانة بسيطه ولو أحلى وصل أمانة عمان الكبرى لعيونك
اه بندبك بس شوي خليني أتناول العكازه مشان ما أطب على وجهي
الله يخليلكوا لبمتي اه هو انتوا دافعين فاتورة الكهربا اتمصرفوا على حسابي
الله معك خيتوه وبعدين ما لقيتي تبعثي أرق تحية الا لعيوني لاني أحول ؟ فعلا اضطهدتيني انتي

منوره خيتو

هههههههههههههههههههههههههههههههههااااااااااااااااااااي

الله عليك يا امور حلوه كتير منك

ومين قلك انهم العرب وصلو انهم يكتشفو حتى مبيد حشري

الله يكون بعونك

كل هلانتظار

علشان يقتلو صرصور

والله فكرتهم بدهم يبيدوا بلد كامل

هههههههههههههههههههااااااااااااااااااااااااااي

يعطيك الف عافيه

عمر : هنا بضحك لا طبعا همنا ببكي بس احنا بنقول عنها دموع الفرح من باب لا نريد الشماته حتى بأنفسنا وصدقني وانا بكتب عين تدمع حزن وعين تدمع فرح حزن على حالنا وفرح تفائلا علي قبل انا أورى التراب ان ارى يوما اسطر فيه عروبتي بدم النصر

سهر الليالي : هلا خيتووووووو لا احنا بدناش انبيد حدا احنا بدنا بس ما ننباد وصدق والمثل الي قال عصفور بالايد ولا 10 على التلفزيون

نورتونا وهلا فيكم انشالله انكون عند حصن الاندلس قصدي حسن ضنكوا فينا
اخوكم من سطح دارنا بحيكم