مغامرات امور الغراميه

هدا في يوم من الايام طلعت اصلح عوامه لجرانا على اساس كنت أحب بنته المهم فتحت التنك
لقيت العوامه مسكره ومزطومه زطم مديت ايدي جوه التنك عشان افكها ولفيت رقبتي عالجهه التانيه لقيت
في العماره اللي قبالي برنده قزاز واقفه فيها واحده بتحل عن حبل المشنقه انا رقبتي صابها تشنج

ولك شو هدا ...بنت بتسطل سطل ..... انا انعمى ضوي وانا اتطلع عليها .....ايه شو هل البنت
بتضحكلي رفعت النضاره شوي عشان امسحها واتاكد انها بتضحك الي مش لحد تاني لاني لابس
نضاره عدستها زي قاع قنينه الكازوز المصيبه لما ارفع النضاره ببطل اشوف وببطل اسمع كمان
رجعت النضاره البنت بتطلع فيي وبتبسم انا سحت زي البوزه رحت انا ابتسمتلها طبعا وتمي
مسكر عشان ما تشوف السنين اللي قدام مش موجودات بس انا عارف حالي بجنن وحلو

بس مش لهالدرجه ولك هاي احلى من هيفاء وهبي قلت هاي نزلت على من السما انا شكريه
اللي كنت احبها قبل خمس سنين وزنها قبل الاكل 140 كيلو وبعد الاكل الله بعلم الله لا يوفقها
قعدت احبها خمس سنين وتعطيني نص ليره اشتريلها اغراض وتطلع الاغراض بخمس ليرات وانا
زي الخروف ساكت اخر اشي طلعت متجوزه صارلها عشر سنين وانا مش عارف

المهم نرجع للسطح قلت خلص يا ولد لازم تزبطها
رحت مسكت ورقه كيس وطويتها واشرتلها يعني بدي ابعتلك مسج وانا ااشرلها اجا ابوها بسرعه انا حطيت راسي
بالتنك وعملت حالي بصلح بالعوامه لكن انا بايز من جوه خالص
صرت اتطلع عليه وهو يحكي معها
من تحت لتحت وصار يزبطلها بقبه قميصها وهي مبتسمه ..
اااااااااااااه ما احلى ضحكتها المهم العوامه
تكسرت تحت ايدي 100 شقفه مهو انا مش صاحي من الحب اجا جارنا(الي بطلت احب بنته ) قللي الله لا يوفقك

كسرتها؟؟ قلتله اسمععععع جميلتك على حالك هسا بشتريلك 50 عوامه عاد انا لو تخبطني
بالارض ما برن قاللي شو بتحكي يا مصدي ..رفعت النضاره وقلتله اسمع انا اصلا مش شايفك
وانا عن جد مش شايفه سكت الزلمه قلت خليني اسوق فيها مدامه سكت
كمان شوي قلتله انت وجهك هيك ولا ماكل كريك

ما لحقت اكمل هالكلمه ولا هو ضربني بكس على عيني طفالي كل الكهارب بطلت
اجيب ولا قناه على النايل سات قاللي بدك تصلحها غصبن عنك فاهم وله طبعا انا مش شايف قدامي قلتله حاضر ... حاضر بعدين قلت فرصه عشان اشوف حبيبتي عن السطح فلازم اضحي شوي رحت اشتريتله عوامه بالدين الله لا يوفقه وطلعت عالسطح وانا منشكح ( اي مبتسم عريض المنكبين )

ومغطي عيني اليمين بايدي لانه صار عليها دويره سوده
وكانت حبيبتي واقفه كانها بتستنى فيي واقفه على وقفتها وبتضحكلي
انا راح مني كل الوجع وقلبي هوى لسابع ارض
قلت خلص يا ولد هون طاب الموت هاي البنت لازم تكون من نصيبي المهم اجا جارنا وانا ولهان ومش صاحيله زي اللي فيقني من حلم حلو ...

اتطلع فييي شويه وطلع من جيبته ليرتين واعطاني اياهم شكله حزن على منزري ...
انا اخدت الليرتين وروحت عالدار وطول الليل وانا مش عارف انام ما صدقت يطلع الصبح عشان ازبط حالي
رحت عالحلاق ابو العبد وقلتله زبطني قاللي ولك انت بدك اعادة هيكلة من اول وجديد عشان تزبط قلتله

دبرها المهم حلقلي وخليتوا يعمللي سناني اللي واقعين قدام حطلي سنين كبار شوي يعني شكلي صار زي سنان.... بس اكمل الفراغ

ورحت لبست البوت الي جبته معي من رحلتي السياحيه بالصومال ورشيت عطر من فرنسي اسمه (مات حبيبي من ريحته) من اللي بحطوه عالموتى وتأنقت واخدت تكسي طلب لدارها وانا مش حاسس بحالي من الفرحه المهم دقيت عالباب طلعلي ابوها ...حاطط متر شرايط على رقبته ولابس نضاره حلوه قالي عفوا...انت؟؟؟؟؟ قاطعته بسرعه وقلتله انا؟؟؟؟ مزبوط هو انا.. الزلمه : قالي تفضل انا دهمت بسرعه ولا انا متكرفت كرفته واقع على بوزي اجا الزلمه بسرعه وساعدني اني اوقف وقعدني عالكنبايه

انا صرت اتطلع شمال يمين عشان اشوف هيفاء حبيبتي بس ما كانت
موجوده الزلمه قالي بشو بقدر اخدمك يا اخ قلتله بصراحه ومن الاخر انا جاي اطلب ايد بنتك
الي طبعا انا ببتسم وانا واثق من نفسي لاني مركب سنان جداد قاللي مين قللك انو عندي بنات
للجيزه؟؟ قلتله يللا عااااااد علينا ..انا شايف بعيني بعدين يا عمي انا وبنتك بنحب بعض واذا
وقفت بطريقنا بتظلمنا قاللي يا ابني انا ما عندي بنات شو انت ما بتفهم؟ قلتله اسمع انت
شكلك خايف مني يا عمي انا ابن حلال وكسيب يعني كل يوم بطلع خمس ست ليرات يعني
بنتك راح تتنغنغ وراح اسكنها بغرفه لحالها .....قاللي كمان لحالها لا انا بدي اياك تسكنها مع الحاره (طبعا انا بزو عيونوا ليش قلي هل الكلمه)

ولك انت شو... ؟؟ ما بتفهم ما عندي بنات يا بني ادم قلتله له له له بلشت تغلط كمان
كيف لو انا مش شايفها بالبرنده عندك لما سمع الزلمه هالكلمه وقع سخسخ (أي داب من الضحك) من الضحك قلت بعقلي ماله هدا الهبيله ليش صار يضحك المهم الزلمه وقف ومسكني من ايدي وقاللي تعال
اورجيك اياها ولك هاي يا واقع مانيكان قلت بعقلي يا الله ما احلى اسمها ما..ني..كان يا سلام
مش زي شكريه المهم شدني واخدني عباب البرنده اول ما شفتها درت وجهي بسرعه وصرخت
زي امينه رزق لااااااااااااا لااااااااا لا يا عمي عيب تورجيني بنتك مشلحه

قاللي لا بدي اورجيك وراح شد شعرها ولا هو طالع بايده انا شفت هالشوفه قلت بعقلي قرعه قرعه راح اتجوزها

المهم الزلمه
قاللي ولك يا شوال انا ما عندي بنات وساكن لحالي وبشتغل خياط وهاي لعبه بنقيس وبنفصل
عليها فهمت يا محترم ؟؟
اااااااااااااااااااااااااااااااااه قلبي قلبي طبعا انا متت وبكتبلكم القصه من دار ابو محمد قصدي الانعاش ....
وتوته توته خلصت اول حتوته

ههههههههههه وانا شو دخلني لو كملت تعلمي مش كان اعرفت (ماني كان) مش وحده
وبعدين ماله شكرية والله اسم رمانتيكي بذكرني بالمكانيكي وبالسياره التماتيكي
وبعدين ليش النق اربعه اربعه ما هي السياره الها اربع عجال وفي واحد سبير والله هي حسد وضيقة عين وحقد طبقي وخلص
ارجعلها شو يا بنت الحلال بقولك مجوزه ابنها اكبر مني بعدين الناس يتعزم على فنجان قهوه كاسة لموناضه عمركوا شفتوا واحد بعزم صحابتة على بقرة مشويه وبتقولي أكلي خفيف اليوم مش عارفه مالني
وبعدين انا مش ضايع انا تائه هوناك فرق من النص بس واسع شوي عاملي صلع وبعدين منيل على عيني بتسبي واحد قد جدك بصيرش منيل على أذني على كتفي لازم عيني .......

يسلموا يا قمر والله نورتيني بكهربا 220 فولت

هههههههههههههههههههههههههاااااااااااااااااااااااااااااي هههههههههههههههههههههههااااااااااااااااااي

خلص حاجه تحكيلي مغامراتك انت موتني من الضحك

شو هلمغامرات يا عم خرج نعملها فلم كوميدي

الله على شكلك وانت عامل جنتل مان ورايح تطلب ماني كان على اخر الزمن

انا بقلك احسن الك يا بتروح بتغير النظاره

يا بتروح تعمل فحص جديد لعيونك ومن مره بتزور كمان طبيب السمع

يلاااااااا سلاااام

ههههههههههههههههههههههههههههه

قصه بتموت من الضحك
قال رايح يطلب ماني كان نعيمه خيوووووووو

لازم المره الجاي توخذ حذرك

سلااااااااااااااااااااااام

ههههههههههههههههههههههاي

يلااااااااا العتب النظر

عنجد مغامره حلوه من احلى كموووووور

بأنتظار جديدك بكل شوووق

تحيـــــــــاتي