مساء الخير .. ~
بدخل بالموضوع على طول لآني ما اعرف آكتب مقدمات
الموضوع محيرني من يومين ,, ولي فتره افكر به
آنا من صغري دلوعة بابا والبنت اللي تسوي كل شي بمزاجها
لحد الحين ولله الحمد ماحد يقول لي سوي كذا ولا تسوي كذا
وعلى قولة بابا طلباتك اوامر
بإختصار انا اقرب وحده من خواني لقلب آبوي ..
حتى لما انولدو اخواني اللي اصغر مني حور وحسون ما تغير شي
حتى هم ما يوصلهم ذاك الحنان بسببي ..
آمس وانا نايمه ع السرير وفاتحه الماسنجر ومرتاحه آخر راحه
جت آختي اللي آصغر مني بـ 9 سنوات " حور
ومعاها لابتوب بابا .. جلست نفس جلستي وتسوي نفسها تكتب
آنا استغربت من تصرفها بس ما اهتميت كثير ..
جا بابا يقول لها نامي قالت لازم فطوم تنام آول
انا ما نمت وكملتها سهر للساعه 7 الصباح ,, وهي معاي صحيح تعبانه
لكن مواصله على شاني ,,اقول لها يابنت نامي مو راضيه
رحت اشوف تلفزيون لحقتني وسوت نفس حركاتي ,, رحت للمطبخ
قالت شنو بتسوين ,, جاوبتها عصير ليمون
قامت سوت مثلي ,,
بعد يوم كنت مشغله فيديو يضحك عند آهلي وكلنا نتابع سوى
سألتني ماما من وين جبتيه قلت من اليوتيوب
آختي حفظت الآسم وراحت تبحث بجهاز بابا
كتبت يوتيوب ودخلت عليه ,, انا ما ادري عنها ,,
بعدين سمعتها تضحك تضحك ضحك قلت اكيد في وراها شي
رحت قلت حبيبتي شتسوين قالت تعالي شوفي وهي ميته ضحك
طلع انها تشوف بنت و ولد بآحضان بعض !
انا عصبت وقمت اصرخ سكريه ما رضت قلت يلا سكريه بسرعه
وسكرته وراحت تبكي ,, بعدين فهمتها ان ما يصير نشوف هالاشياء
قالت طيب انتي ليه تدخلين على اليوتيوب ؟
شرحت لها اني اشوف الاشياء المفيده والحلوه وفتحت لها كم فيديو مفيد
بس قلت لها اذا بغيتتي تدخليه نادي علي ..
وصرت اخاف عليها موت كل مره تمسك الجهاز اروح جنبها
بعد ساعه جتني وانا على الابتوب قالت شنو تسوين .. قلت ابحث طبخات حق رمضان
راحت وسوت نفس الشي من لابتوب بابا ,,
آختي اللي آكبر مني همست لي : ترى حور تشوفك قدوتها
صراحه خفت لآني مو راضيه عن نفسي وتصرفاتي ما ينفع تسويها طفله ,, لفرق السن
صرت على شانها انام بدري
واصحى بدري ,, واذا جيت بصلي انادي عليها ونصلي سوى
بس المشكله انها تقلدني بالصح والغلط ..
على فكره مو بس هي ,, حتى حسون اللي آكبر منها بسنه
ايش آسوي ؟
آحس نفسي مرتبطه فيهم ومتحمله مسؤليتهم وانا ابداً مامريت بهالشي من قبل
27.02.20 21:09 من طرف mostafa magdy
