واحد يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
واحد سألوه شتسوي اذا ردت تصيد أرنب ؟ گال: أقلد صوت جزر.
واحد طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.
واحد سكن جديد گال له جاره: عود فنجان الگهوه مالتك يمي گال : أي والله
يمكن واحد من الجهال شمره عليكم.
واحد گال للدكتور :دكتور كلما أشرب چاي عيني توجعني..گال له الدكتور :طيب
كلما تريد تشرب الچاي وخّر الخاشوگه.
واحد شاف گشر موز بالشارع گال:أوهوووو..شلون شغله ؟ هم راح نزلگ!!
واحد سأل أبو المحل:عندك تلفزيونات ملونه؟ گال له نعم.. گال فد واحد أزرگ
للجهال الله يخليك.
واحد عنده أرق ميگدر ينام گالوله عِد للميه تنام .. وصل للخمسين نعّس..
گال: اگوم اغسل وجهي وأكمّل للميّه.
واحد گال له أبوه روح إغسل وجهك راح يجونه خطار..گال وبلكي ما إجوا؟
واحد أتصل بالأطفاء گاللهم:شنو إذا ماكو حريق منشوفكم يعني؟؟
واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم
محدد؟؟
واحد تعين بالأمن السري مال الكعبه شاف واحد يطوف گاله : شعندك ولك تفتر
هنا؟
واحد أشتره علچ أبو السهم ..صار الليل وهوه يعلچ.. گالوله نام.. گال:
بالحرام.. ما أنام إلا أخلصه.
واحد طگّت أموره بالتجاره جاب خدامه.. ثانية يوم تعاركت مرته ويه الخدامه..
گام عزل كل وحده ببيت.
واحد واهسه بالتجاره سمع صديقه يگول: الخميس يوافق 15 ..گال واذا ضغطنه
عليه شويه ميسويهه أقل؟
واحد گال لجماعته: والله خدمات الحج بالسعوديه حيل محترمه وأنصحكم من
تريدون تحجّون لا تروحون غير للسعوديه.
ثنين يتناقشون الاول گال انا من اشرب الگهوه ما اگدر انام الثاني گال انا
بالعكس من انام ما اگدر اشرب الگهوه.
واحد اشتره لابنه حاسبه شال الصفر منهه گال حتى لتسجل عليّه مكالمات دوليه.
واحد اشتره تكسي.. بالشارع يصيحون عليه تكسي تكسي.. گاللهم عمي ادري والله
ادري.
واحد دز ابنه على تلث گرص خبز من رجع الابن گاله ابوه : بابا رجّع وحده امك
ماتت.
واحد أحترگ بيته دگ عالأطفاء مره وحده وسد التلفون.
تلث ولد بخلاء نايمين بالغرفه ومشغلين البنكه على رقم خمسه..دخل أبوهم
بالعصا يصيح:ياكلاب.. تلاثه ومشغلين البنكه عالخمسه؟
واحد گال لأبنه إذا تنجح اجيبلك مدرس خصوصي مُـلـُـك..
مدرس سأل طالب گاله: أبوك شگد عمره گال ما أدري أستاد بس هوّه من زمان
عدنه.
واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟..
الأبن صاح.. بابا أكو واحد يريدك عالتلفون ميعرف هوه منو.
واحد سألوه عن عمره گال 30 وره عشر سنين سألوه گال 30 گالوا شلون ماكبرت؟
گال: الرجال عدنه كلمته وحده حتّه لو ألف سنه.
واحد عنده ضرس مأذيه حيل راح لطبيب الاسنان گال له أريدك تشلعلي كل سنوني
وتخليه هذا بوحده مثل الكلب.
واحد سوه عملية رفع كليه فنجحت العمليه گال والله مدام هيچ لآكررها.
واحد أشتره سياره شبح كتب عليهه تره: ميخوّف موعبالكم.
لبناني يحج بمكه ..عطس گال له السعودي يرحمكم الله فرد عليه اللبناني: حبيب
ألبي.
واحد كمّل دراسه بالخارج ورجع لأهله شاف عدهم زمال .. گال :الحمد لله كمّلت
دراسه من دونهم.
واحد گال له أبنه: بويه إجازة السوق مالتي سقطت.. قال له أبوه:طبعاً.. من
كثر دياحتك بالشوارع.
واحد إشتغل مدير دار الأيتام..گاللهم راح أسوي أجتماع مجلس الآباء.
واحد رادوا يعذبوه انطوه ورقه مكتوب عليهه من الوجهين (إقلب الصفحه)
واحد فتح باب السياره يريد ينزل شاف المطر قوي.. سدهه ونزل من الباب
الثانيه.
واحد گال لأبوه: بويه أريد (كيري).. گال له أبوه: والله ماتاخذ غير بت
عمك.. گال له: بويه كيري جبنه.. گال أبوه: وبت عمك گيمر يبويه.
محجبه لابسه قصير.. گالولها: ليش؟ گالت: حتى أرضي الله وعباده.
واحد ويه صاحبته بالكازينو..أنگطع الكهرباء..گالتله: يلله إنتهز
الفرصه....گام شرد بلا ميدفع الحساب.
واحد ديسوق دعم اللي گدامه..نزل ذاك گال له: شنو.. چنك ماشايفني؟ گال:
والله شايفك.. بس ما أتذكر وين.
واحد راح يشتري حشيشه.. شاف الشرطه بالشارع.. ذب الفلوس وأنهزم.
واحد سال أبوه: بابا منين چنتوا تشربون ماي گبل؟.. گال أبوه: من العيون
إبني.. گال: بابا لعد ليش هسه من الحلوگ؟
واحد جاب شاهد زور يشهدله بالمحكمه گال: أريدك تشهد أني اطلب فلان مليون
دينار..گال له : ليش ليهسه ما سددهن؟
واحد محشش كمشوه الشرطه گالوله : تفضل بالسياره ويانه..گال:لا شكراً بيتي
قريب.
واحد گال لمرته: اليوم تخرجت من الكليه.. گالتله: ليحسدوك عله ذكاءك.. دُگ
الخشب.. گام دگ عالقنفه.. گالت: منو؟.. گالهه:گعدي إنتي..... أني أفتح.
واحد ديمشي عالجسر ويگول: أيباه غير بالكونه ضخمه!!
واحد راح لطبيب عيون گالّه: دكتور من أغمض بعد مأ أشوف...
واحد زوّج ابنه.. گاله: بابا.. تره هذي إنته وأخوتك بيهه.
واحد يگول: أحسن خمس أشياء بالدنيه تلاثه.. الچاي والگهوه.
بدوي تزوج.. سجل الخيمه بأسم مرته.
واحد يسأل نفسه: منو الأطول.. الزرافه لو النمر أسرع؟
حشاش عطس ... صاحبه گح.. گلله ليش تغير الموضوع؟
بخيل گل: لإبنه إذا نجحت أراويك واحد يشرب ببسي.
واحد خطب بنيه.. گله ابوهه: مو البنيه هسه تدرس.. گال: زين أروح فد ساعه
وأرجع؟
واحد مات أبوه.. أجه صاحبه يعزيه گلله: ألله ينطيك الصبر.. گلله: لا، عادي.
واحد راح يعزي جماعه.... گلهم مع الاسف يعني ماكو أمل يرجع؟
بزون محشش گال: والله نسيت...هيّه ميو لو ليو.
صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت
أحول.
سكران راح للمطعم.. گالهم: عدكم عشه؟.. گالوله: نعم.. گال: ليش ماعزمتوني؟
صرصر شاف دعاية بف باف(قاتل الحشرات) گال: أعوذ بالله..غير فلم مال رعب.
خبيث مشارك ببرنامج طلبات الاغاني گال: وأهديها الى صديقي بمناسبة وفاة
والدته.
27.02.20 21:09 من طرف mostafa magdy
