امور ضايع بالماكدونلز

موضوع: امور ضايع بالماكدونلز 08.02.08 5:36

مره من ذات المرات كانت ضايع بالعاصمه اما فوت على محل بدي اسال وين انا (الي بعدين اعرف انه هل المحل اسمه الماكدزنز) فوت من هون وانها وحده صاروخ متل القمر هاجمه علي طبعا انا لما شفت البنت هاجمه علي وبدها تعبطني والمحل كله مشرتحين انا قلت هاي نشاله او اشي فرحت دفشتها لورا وكنت بدي اكبسها بكس على نص عينها لولا المهم البنت بتقوللي مالك توتي انت ما عرفتني ؟؟ قلتلها انتي.................؟؟؟؟ ردت بسرعه ايوه انا سوسو ....سوسو اللي صارلها شهرين بتحكي معك معئول ما عرفتني يا دكتور توتي؟؟ قلت بعقلي انا توتي ....وهي سوسو من وين اجاني هالاسم؟ والله لو امي تعرف انه اسمي صار توتي الا تبيتني بالشارع... بعدين والله اسم سوسو ارجل من اسم توتي .. صار نفسي نبدل الاسامي.. طيب وهاي الهبله ما عرفتني ؟
انا قلتلها سوسووووووووووووووووو طبعا وانا مبتسم زي اللي صايبه كزاز ومش عارف كيف بدي اخلص من هالورطه ا البنت شدتني من ايدي وقلتلي انت مش عارف اديش انا مشتائه احكي معك واشوفك تعال نئعد جوه بس بتحب ناكل اشي قبل؟
انا طبعا ميت من الجوع قلتلها بنوكل .....والله رحنا عالبسطه وكان واقف عليها 3 شباب وبنت المهم رحنا عند البنت قالتلي شو بتحب توكل؟ قلتلها شو في عندكم ؟ قالتلي بيجي خمسين شغله بالانجليزي مفهمتش منهم ولا كلمه والله ورطه اللي تورطها هاي انا..من اولها ....طيب كيف بدي ادبر حالي؟؟المهم قلتلها انا بدي اكل زي ما انتي بتوكلي...راحت قالتلها انا باخد بج ماك قلتلها وانا كمان باخد بج مااااااااااك
انا بموت باشي اسمه بج مااااااااااااك عاودت البنت البياعه قالتلي تشيييز قلتلها شووووووووو؟
قالتلي تشييييييييييييييز ...قلت بعقلي انا والله هاي تشيز بعرفها لما كنا نتصور زمان كانوا يخلونا نحكي تشييز قال عشان نطلع بالصوره نضحك فرحت انا فارد تمي من الدان للدان بس مش شايف ولا كاميرا بس قلت بجوز اي واحد بشتري من عندهم بصوروه عشان الامن البنت البياعه صارت تضحك قالتلي عفوا يا استاز بتحب معها تشيز يعني جبنه قلتلها انا والله بدي اياها تشيز بس بدون جبنه قالتلي طيب بدكم اشي تاني؟
قلتلها يخلف على امك بكفي.. لحد هان بلاش يطلعلنا كمان اسم انجليزي ومنعرفش ندبر حالنا المهم انا قلت الاكل في هدا المطعم غالي واكيد راح يطلع الاكل اكتر من 70 او 80 قرش( 1 دولار ) رحت ضارب ايد عالجيبه طبعا انا معاي ليره و15 قرش يعني مغلين ومبحبحه معاي عالاخر راحت البياعه بنت المحترمين قالتلي كله 6 ليرات ونص (10دولار) طبعا انا قربت تصيبني جلطه شووووو ست ليرااااااات وكمان نص .. ول على شو طب هدول الست ليرات امي بتقعد تطبخ شهر فيهم فرحت انا من الصدمه قلتلها احييييييييييييه........ الا هي سوسو يتقولي توتييي......مالك؟ وشو هاي الكلمه؟ انا عرفت حالي خبصت الدنيا فرحت قلتلها هاي كلمه يابانيه معناتها على راسي قالتلي جد ياي ما احلاها بتعرف انه انت كمان احيييييييه يعني على راسي يا روحي قلتلها انا احيييه وانت احيييييه والوضع كله احيييييييه بس بتعرفي اني نسيت المصاري بالدار البياعه رجعت علي وقالت طيب ممكن تدفع كريدت كارت قلت بعقلي مالها هاي متسلطه علي قلتلها يعني بنفع ادفع عالكارت؟ قالت اه احنا بنقبل اي كارت قلتلها انا معاي كرت التأمين الصحي بنفع؟ والله البنتين صاروا يضحكوا المهم سوسو قالت خلص حبيبي انا بدفع وراحت طالت سفطه ليرات ودفعت وقالتلي انا بعرف انه انتوا باليابان ما بتحملوا فلوس قلتلها لا بنحمل فلوس باليابان ولا بسوق الخضرا ....ورحنا حملنا صينيتين وقعدنا عطاوله وهون بلشت المصايب انا بصراحه حاسس حالي زي الاطرش بالزفه وهدول الولاد والبنات اللي بالمطعم لهم بتطلعوا فيي وفي بنت في سلوك على سنانها نازله بحلقه بوجهي ومسكينه مش لابسه غير 5سم قماش كنه اهلها مشحططين بالمره كنت بدي اقوم اعطيها صدقة عن صحتي وعافيتي بس استحيت .........طيب انا بدي اكل بس مش فاهم اشي من الاكل المحطوط في بطاطا وشراب هدول كنت فاهمهم بس في اشي مدور ملفوف بورقه وفي معجون ...بجوز معجون اسنان وفي محارم فاين انا صفنت في الاكل وما رضيت ابدا االاكل احسن تحكي عني مفجوع وصرت استنى فيها عشان توكل بس هي متنحه وعيونها عليي ...مش هي لحالها كل المطعم صافن في خلقتي وبعدييين بدنا نوكل ..انا قلت اول اشي لازم ابدا بالفاين اكيد حاطينه عشان الواحد يمخط اول فرحت مسكت المحرمه واعطيتها تمخيطه من اللي يحبهم قلبك يعني صوتي زي زامور القطار واتطلعت في الناس هيك لقيتهم كلهم قلبوا وجههم عالجهه التانيه والبنت هاي ام ال5سم قماش طعجت وجهها وقلبته وسوسو كمان معهم ...طيب احسن انا لو عارف انو رايحين تبطلوا تطلعوا فيي هيك كان من زمان مخطت وصرت اتطلع في سوسو وقلتلها ما توكلي قالتلي بس انت توكل المهم انا مسكت المدوره هاي الملفوفه بورق ورحت مازع منها مزعه مع الورق مع كله الا هي سوسو بتقوللي بتعرف انك بتحبني هلأ عرفت انك بتحبني عن جد قلتلها كيف؟ قالتلي لانك ناسي حالك وبتوكل السندويشه مع الورق قلتلها فعلا انا مش مركز عاد انا فكرتها بتتاكل هيك والله هي صارت توكل شوي شوي وانا لغمطت الدنيا وشفتها حطت من معجون الاسنان اللي طلع لونه احمر رحت حطيت زيها والبنت هاي ام ال5سم قماش رجعت بحلقت فيي فقلت بجوز جوعانه المسكينه ولا اشي قلت اعطيها شويه بطاطا الا هي سوسو بتقولي انا اول مره باكل بالطريقه هاي فعلا انك بتفتح النفس عالاكل قلتلها والله انا بستعمل الطريقه اليابانيه بالاكل عاد انا من الجوع بدي اكل الكرتونه قلتلي انت بعد ما رجعت من اليابان كيف شغلك؟ قلتلها فتحت محل قصدي عياده لتسليك المجاري البوليه والامور سالكه زي الدهب قالتلي حلو كتير قلتلها وانتي؟ انا بصراحه بابا عنده شركات كتير والاهم هو كمان شخصيه كبيره
بالبلد وهو حابب يشوفك لاني قلتله عنك وانا بصراحه حبيتك يا توتي انا قلت بعقلي الله يلعن توتي وابو توتي طيب انتي حبيتيني امر الله وابوكي ليش يدخل بالنص وليش بده يتعرف علي؟ ويا ترى بيرضى يديني 20 دينار؟
مليون شغله تشربكت براسي وبطلت اجمع كلمتين على بعض وهي صارت تحكي حكي بالحب نصه مش فاهمه طبعا........ طبعا انا لازم اجاملها وارد فرحت قلتلها قبل ما اعرفك كانت روحي مسكره وانتي فتحتيها انا قلبي بسيل وانتي اللي حطيتيله جلده قلتلي ياي ما احلى كلامك كمان يا توتي قلتلها بس خلاص يللا قومي ضبي العده قصدي يللا قومي خلينا نروح في عندي مواعيد مع ناس والامور مسكره عندهم عالاخر بنحكي بعدين قالتلي اسمع انا عامله بارتي كبير بكره لازم تحضره وانا وبابا وصاحباتي كلهم بدهم يتعرفوا عليك قلتلها بارطي؟ انا الحقيقه ما فهمتها قلتلها طيب قالتلي بكره بحكي معك قلتلها طيب خلص لازم اروح هلأ والله طلعنا بره قالتلي وين سيارتك قلتلها هديك عن اللادا موديل 1964 بس بتشلق قالتلي ياي شو كلاسيك نفسي بواحده زيها من زمان قالتلي مين اللي فيها ..عن صاحبي قلتلها هدا الشوفير تبعي ورحت فلتها وطلعت بالسياره وهي بتطلع فيي وانا بس بدي اهرب المهم صاحبي قالي شو صار قلتله القصه كلها بس قلتله انا مش رايح اقابلها كمان مره قاللي ليش ؟ قلتله هاي البنت شكلها مسكينه وهبله وانا كان بدي واحده متلي بنفس مستواي قاللي من اجيب لحضرتك واحده بنفس مستواك من سوق الحراميه من جمعية النصب ما في من مستواك قلتله بلاش انا ما بدي اخدعها واضحك عليها بحالي بعدين ولك هاي مسكينه وحرام هيك قاللي هسه صرت تفهم بالحلال والحرام هاي الحفله بدنا نحضرها غصبن عنك بدنا نحضرها قلتله انو حفله؟ قاللي ولك بارطي يعني حفله وهم عاملين حفله عشانك واكيد فيها اكل وشرب وبنات راح نكيف انا وياك وحضرتك بدك تيجي معي بصفتك شو؟ قاللي ولك انا اشوفير تبعك انا مستعد اكون الخدام تبعك واعملك كل اشي بس خليني اروح معك مشان الله توافق وصار يترجى فيي قلتله بفكر بالموضوع
روحت عالدار وانا راسي بوجعني من التفكير وحاسس انه الدنيا كلها غلط وحطيت راسي ونمت........... نتبع في الحلقة القادمه

موضوع: رد: امور ضايع بالماكدونلز 08.02.08 7:07

طيب أنشاء الله بدك تكمل الحلقه الثانيه
نحن مستعجلين عليه لا تتأخر بنستني

يسلموو على القصه الممتعه بس عنيه اتبعبزووو من الخط ياخي كبر الخط شويه
تحياتي

موضوع: رد: امور ضايع بالماكدونلز 08.02.08 7:38

هههههههههههههههههههه

والله يا اموور انت نهفة منتظريت التكمله

تحياتي

موضوع: رد: امور ضايع بالماكدونلز 08.02.08 13:51

هههههههههههههههههههه

يسلمو امووووووور
بانتظار التكمله

تحيااااااتي الك

موضوع: رد: امور ضايع بالماكدونلز 08.02.08 20:43

ههههههههههههههههههههههههههههههههههه

معلش يا أمور أنا مفهمتش حاجه لان الطريقه الي بتكتب فيها
مبتفهمش حاجه مش تبقي توضح أنت بتكتب ايه
كل الي فهمته بالحكايه دي الدولار ههههههههههههههههههههه
ألف شكر ليك على مجهودك
ألف شكر

موضوع: رد: امور ضايع بالماكدونلز 09.02.08 1:40

ههههههههههههههه
سكون الليل : مش مصدق عيوني بدي احط فيهم مسمار وافركهم سكون الليل بترد على موضوعي لازم اصور الصفحة بكميرا دجتيل هههههههههههه
هاي مش قصة عاديه هاي حكاية الف ليلة وليلة الها اول ملهاش تالي ههههههههههههه
بعدين منتي عارفه اني بغار من عيونك يعني القصه مقصوده انه الخط صغير لا خلص وعد المره الجاي رح اكتب وانا حاط مكبر ............. ولكم خيتووووووووووووووه

Incredible Love : هلا حجي منور والله فوت جاي خلينا نزقيك كاسة شاي الله يسعدك يا حبوب والله انبهرت لما قولت اني نهفه كان الي صاحبة اضلها تقولي وجع يخلع نيعك شو نهفه فكرتها مسبه سلختها بوكس خليت عيونها يفروا تنا فهمتني انه نهفه مديح مش ذم حبيبي يا مان كل يوم تعال عنا نهفات كثيرة

روئ الحرية : هلا بالشيخة هلا بزعيمة المنتدى هلا برابطة مشجعين المبتدئين هلا برئيسة جمعية حقوق الخرفان قصدي الاعضاء ههههههههههه
تسلملي عيوني دايما رافعة معونياتي المنبثقه من وحل الواقع

ذكرياتي : ههههههههههههههههههههههه اكيد عيوني لاني بحكي أردني واحنا الاردنيه معروف عنا ما بنحكي بنطخ طخ وافواهنا عباره عن بنادق يعني عاذرك انا لانو القصة مكتوبه بهل اللهجة ولا اهمك خلص رح اكتب رح اكتب بالعربيه الفصحى موديل 2008 وبعدين الدولار لغة عالمية اكيد معروف للكل تسلمي على مرورك

موضوع: رد: امور ضايع بالماكدونلز 10.02.08 22:59

تعرف يا كممموووووور أنت بتذكرني بمين ؟؟؟؟؟؟

فكر معي شويه ... بتعرف الممثل ( ربيع شهاب ) الله يارب يشفيه ويرجعلنا مره تانيه
بتتذكر المسلسل الي بظل يقول بعبيش بالجيبه بعبش بطلعلك من كمك من قميصه من جيبتك
هذاك يا معلمي .. أنت مثله تخيلتك هيك بتلف بالشوارع بتحكي بعبش بالجيبه بعبش
يلااااااااااا يا بوابير الكازززز منسلك بوابير بنركب رووووس ..
بشرفك أنت مش مثله هههههههههههههههههههههههههههههههههههههههههههههه

:الأحول: :الأحول: :الأحول: :الأحول: :الأحول: :الأحول: :الأحول:

موضوع: رد: امور ضايع بالماكدونلز 11.02.08 0:00

ههههههههههههههههههههههههه

الله عليك يا امووور

والله انك بترد الروح

بخفة دمك

عنجد قصه كتييييييير حلوه

الله يعينك على هلبارطيييييييييييييي

يلاااااااا بأنتظار الجزء الثاني بشوووق

لا تتأخر عليناااااااا يا عسل

ا

موضوع: رد: امور ضايع بالماكدونلز 15.02.08 2:50

سكون الليل : هههههههههههههههههههههههه يخرب بيت شيطانك انا قولت بدها ترفع روحي المعدنية وتقولي شبه بروس ويلز توم كروز لونردا ديكابريو بس فعلا صدقتي اردني مش بينفع يكون اشقر هههههههههههههه لازم انفه كبير واصلع وحواجبه شابكات صف دبكه وبعدين وين عايشه يا بنتي الناس اطورت هسع بلف وبقول بنصلح خلويات متورولا نوكيا سي مينز سي ومان هههههههههههههه بنغير بطاريه بنغير كفرات بس بربع نيرة

سهر الليالي : هههههههههههههه تسلملي يا قمر اه صح انا برد الباب وراي لانو الدنيا موت سقعه ههههههههههه بالنسبة للدم سهله الشغله كل يوم الصبح بشرب لترين وربع سبيرتوا بخف دمي على الأخر ههههههههههههه ولا تخافي علي بالبارطي رح اشرفكوا مجهز حالي صارلي شهرين ناقع صلعتي قصدي الباروكه بكاز مشان تلمع بالبارطي ومجهز بنطلوني ابو نيرة وربع وحاطه تحت الجنبيه مشان ينكوي ويصير بكسرة هههههههههههههههههههه الله يعسل ايامك يا رب

انتظرونا .............. سوف تجدوا ما يفقعكوا من الضحك

موضوع: رد: امور ضايع بالماكدونلز 05.04.08 13:42

ههههههههههههههههه
شكرا علي المجلد
قصه جميله
تحياتي

موضوع: رد: امور ضايع بالماكدونلز 12.04.08 5:29

ههههههههههههههههههههههههههههه

شكرا على القصه يا اموووووووووووووووووور

بأنتظار الجزء الثاني

ومرة تانيه لما تيجي تروح على بارطي خدني معك
ههههههههههههههههههه